Hareid kyrkje - omlag 100 personar
I Hareid kyrkje kan vi ta inn omlag 100 personar, talet er ikkje eksakt, sidan talet varierer etter kor mange frå same husstand/familie som er til stades. Dess fleire frå same husstand/familie som tek del, dess fleire får plass i kyrkjerommet (også på galleriet). Dersom kyrkja blir full i høve avstandsregelen, vil vi bli nødt til å stoppe folk i døra - og ber om forståing for dette. Bruk gjerne begge inngangane.
Oppmodar til:
|
Oversikt over kven som er til stades på arrangement
Det heiter vidare i smittevernreglane at arrangør skal ha oversikt over kven som er til stades på arrangementet. Dersom smitte oppstår, vil oversikt over kven som er til stades gi god hjelp til smittesporing. For ikkje utfordre personvernreglane, skriv dei som kjem til kyrkja namnet sitt på ei deltakarliste. Lista blir låst inn og teke vare på i 20 dagar (ref kommunelegen), etter det blir lista sletta.
Andakter på Hadartun
Det er opna for andakter på Hadartun igjen, første andakt etter at koronapandemien kom, var 17. juni.
Vi går no over til sommarordning og då blir det annakvar veke med andakter på Hadartun (partalsveker f.o.m. 24. juni). Først i vinterhagen og etterpå på skjema avdeling. Smittevernreglane er viktig å holde, spesielt på Hadartun blant dei eldre.
Fellesgudstenester med Ulstein i sommartida
F.o.m. 21. juni, har vi felles gudstenester i Hareid og Ulstein sokn. Annakvar veke i Hareid og annakvar veke i Ulstein. Siste fellesgudsteneste er i Ulstein 9. august.
21. juni: Gudsteneste Hareid kyrkje
05. juli: Gudsteneste ombord i ishavsskuta Aarvak, Brandal
19. juli: Gudsteneste i Hareid kyrkje
02. august: Gudsteneste i Hareid kyrkje
16. august: Samtalegudsteneste i Hareid kyrkje (kun for konfirmantar og deira føresette)
Krev ikkje lenger påmelding på førehand, og gudstenestane vil ikkje bli streama. Men etterkvart håper vi at overføring til Hadartun vil kome på plass.